புதுடெல்லி:
இந்தியாவில் மே 29-ம் தேதி அறிமுகம் செய்யப்பட இருக்கும் விவோ X21 ஸ்மார்ட்போனின் முன்பதிவு துவங்கியுள்ளது. விவோ ஆன்லைன் ஸ்டோரில் X21 ஸ்மார்ட்போனின் முன்பதிவு செய்யப்படுகிறது. முன்பதிவு செய்வோர் ரூ.2000 செலுத்தி முன்பதிவு செய்யலாம்.
புதிய விவோ X21 ஸ்மார்ட்போனினை முன்பதிவு செய்வோருக்கு சிறப்பு சலுகைகள், கேஷ்பேக் மற்றும் வட்டியில்லா மாத தவனை முறை வசதி உள்ளிட்டவை வழங்கப்படுகிறது. விவோ X21 விலை இந்தியாவில் இன்னும் அறிவிக்கப்படாத நிலையில், இந்த ஸ்மார்ட்போன் ப்ளிப்கார்ட் தளத்தில் மட்டும் பிரத்யேகமாக விற்பனை செய்யப்படும் என தெரிவிக்கப்பட்டுள்ளது.
மார்ச் மாத வாக்கில் விவோ X21 ஸ்மார்ட்போன் அறிமுகம் செய்யப்பட்டு சர்வதேச சந்தையில் இம்மாத துவக்கத்தில் அறிமுகம் செய்யப்பட்டது குறிப்பிடத்தக்கது.
புதிய விவோ X21 ஸ்மார்ட்போனினை முன்பதிவு செய்ய ரூ.2000 முன்பணம் செலுத்த வேண்டும். பின் நீ்ங்க்ள் செலுத்திய கட்டணத்துக்கு இணையான கூப்பனை விவோ அனுப்பும். இதை கொண்டு மே 29-ம் தேதி மீதி தொகையை செலுத்த வேண்டும். இத்துடன் ஃபெர்ன்ஸ் என் பெட்டல்ஸ் வழங்கும் ரூ.1000 பரிசு கூப்பன் வழங்கப்படுகிறது. வோடபோன் ரெட் வாடிக்கையாளர்களுக்கு 280 ஜிபி கூடுதல் டேட்டா வழங்கப்படும் என அறிவிக்கப்பட்டுள்ளது.
விவோ X21 சிறப்பம்சங்கள்:
- 6.28 இன்ச் 2280x1080 பிக்சல் ஃபுல் ஹெச்டி பிளஸ் 19:9 சூப்பர் AMOLED டிஸ்ப்ளே
- ஆக்டாகோர் ஸ்னாப்டிராகன் 660 சிப்செட்
- அட்ரினோ 512 GPU
- 6 ஜிபி ரேம்
- 12 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஹைப்ரிட் டூயல் சிம் ஸ்லாட்
- ஃபன்டச் ஓஎஸ் 4.0 சார்ந்த ஆன்ட்ராய்டு 8.1 ஓரியோ
- 12 எம்பி பிரைமரி கேமரா, எல்இடி ஃபிளாஷ், f/1.8
- 5 எம்பி இரண்டாவது பிரைமரி கேமரா, f/2.4
- 12 எம்பி செல்ஃபி கேமரா, f/2.0
- இன்-டிஸ்ப்ளே கைரேகை சென்சார்
- 4ஜி வோல்ட்இ, வைபை, ப்ளூடூத்
- 3200 எம்ஏஹெச் பேட்டரி, ஃபாஸ்ட் சார்ஜிங்
இந்தியாவில் விவோ X21 விலை இன்னும் அறிவிக்கப்படாத நிலையில், சீனாவில் இதன் விலை CNY 3,598 (இந்திய மதிப்பில் ரூ.37,100) என நிர்ணயம் செய்யப்பட்டுள்ளது. சிங்கப்பூரில் இதன் விலை SGD 799 (இந்திய மதிப்பில் ரூ.39,900) என நிர்ணயம் செய்யப்பட்டுள்ளது.
